South Korea In Myanmar Zalennak Sualtu Hrang 10 Million Won An Hlu

Myanmar ramsung buainak cu South Korea mipi pawlin an tuarpi zet, leitlun ramdang pawl aiin an rak tang sawn tla a bang. An hlasakthiam pawl khalin an thiamthil awnmawi lam ihsin Myanmar mipi pawl cu thazang an rak pe ringring, Myanmar mipi hrang duhphorhnak khal an nei áš­heu.

Myanmar ramsung buainak vek South Korea mipi pawlin an rak tuar ve zo ruangah theihthiamnak an nei tam. June 8, 2021 nazi 11:00 ah Seoul City Hall ah an tongaw khawm ih Human Rights Cities Association in Myanmar zalennak sualtu hrang an ram sumpai 10 Million Won an hlu.

Doebon hotu & HRCA chairman Eidon Jin in sumpai cu Korea ram ih um National League for Democracy (NLD) Organizing Committee (International) Yan Naing Tun hnenah a hlan. An tongawknak ah co-chair of the Anti-Coup Committee (Korea), Soe Moe Thu khal a telve.

Chairman Eidon Jin in “Kum 41 liamzo ah Korea mipi pawlin nasa zetin zalennak kan rak sual ve, harsatnak phunphun kan rak tonmi pawl cu tuisun ah Myanmar mipi pawlin an tuar ve. Huaisen zetin Myanmar mipi in ralkap uknak an dodal cu kan dinpi a si” a ti.

Be the first to comment

Leave a Reply

Your email address will not be published.


*