Spider-Man Cangtu In, “Zuknung Cang Lo Sehla Cun Bible Ka Zir Ding” A Ti

Kum 38 mi Andrew Garfield cu leitlun ih lemcan thiam hminthang a si. “Spider-Man: No Way Home” timi zuknung a cang hnu ihsin a hminthang deuhdeuh.

Leitlun ralpi a veihnihnak zuknung “Hacksaw Ridge” timi arak cang zo, himi zuknung sungah raldonak tualrawn ah aum nan meithal a keng duh lo. Khatlam khatlam ih hliamtuar pawl a tuamhlawm sawn. Media pawlin thu an suhnak ah actor silo awla ziang na tuah ding? an ti.

Andrew Garfield in, “Actor si lo sehla cun Bible ka zir ding” a ti. 2016 kum ahcun Andrew Garfield in Christian a si lo thu media hnenah a sim zo. “Christian ka si lo, sakhua neilo vekin ka theiaw. Asinan, malte cu Jewish sakhua ka si” a ti. 2017 kum ah hlanlai rawngbawltu zuknung a cang.

“Silence” timi zuknung a cang ih Andrew cu puithiam a si, Japan ram ah thuthangṭha sim in aum ih Japan pawlin an rak duh lo ruangah harsatnak phunphun a tong. Himi zuknung a cang hnu ihsin Andrew in, “Puithiam zuknung ka cang laiah Pathian ih duhdawtnak ka tep ngah. Bawi Jesuh ka duhdawt a si” a ti. Tu’ah “Under the Banner of Heaven” timi zuknung a cang rero lai.

Be the first to comment

Leave a Reply

Your email address will not be published.


*