Spy Kids Lemcangtu In “Jesuh Ruangah Zuknung Khawvel Ka Suahsan” A Ti

Kum 33 mi Alexa PenaVega cu America lemcan thiam le hlasakthiam a si. A nauhak lai ihsin zuknung khawvel Hollywood ah a lut ih a hminhang zet. Zuknung dangdang ah a tel ṭheu, Spy Kids zuknung ihsin leitlun mipi pawlin an hmeltheih.

January 2014 kum ah a tlangval Carlos thawn an nei aw ih fate 3 an nei zo, a pasal khal Christian innsang ihsin thanglian a si ih zuknung a cang ṭheu.

Cumi hnuah an innsang ah buainak phunphun an tong, a pasal khal a hnaṭuannak ah a hlawhtling thei nawn lo. Alexa in, “Motor sungah thla ka cam ih Pathian in na fehsuak a cu zo in ti vekin ka thei aw. Zuknung khawvel Hollywood cu kan suahsan.

Kan hnaṭuannak Los Angeles khawpi khal kan suahsan ih Hawaii ah hringnun kan hmang rero lai. Jesuh ruangah lemcamnak khawvel Hollywood ka suahsan ih hnangamnak kan nei sawn. Nitinten kan zumnak hngetkho dingin kan zuam rero lai ih innsang nu ṭha zet si ka tum” a ti.

Be the first to comment

Leave a Reply

Your email address will not be published.


*