Suahcam Lawmnak Tuah Mino 24 Ralhrang Pawlin An Kai

Tanintharyi, Thabyar khua ah mino rual in suahcam birthday lawmnak an tuah ih ralhrang pawlin an va vuak ciamco hnuah an kai thluh.

February 22 sun nazi 1:00 hrawngah mino kum 19/18 mi pawl cu 3D lakphak dawr sungah birthday party an tuah. Mipa 15 le nunau 9 an si ih an nuamawk zet laitak ah ralhrang pawlin an va kai.

Tualsung mi pakhat in, “Ralhrang pawl cu an tam zet, motor thawn an ra thleng ih dawr sungih um mino pawl cu an vuak ciamco hnuah an kai thluh.

Kum 19, 18 mi hrawng an si, khuasung ah mino pawl an pungkhawm aw an tiih san um loin an kai” a ti. An kaihmi mino pawl cu Laung Lone ralhrang sakhan ah an hruai ih thu an sut rero lai, an innsang pawl thawn khal tongawk an siang lo.

Be the first to comment

Leave a Reply

Your email address will not be published.


*