Suamhmang Pawlin An That

Mandalay, Chan Mya Thar Sii vengsung ih um fala kum 20 mi Ma Khin Yadanar Aung cu July 11, 2022 sun ah suamhmang pawlin an kap that. Ma Khin Yadanar Aung cu Mandalay University ah kumhnihnak kailai a si ih Japan ṭong a zir.

CDM tuah tlawngta a si ih ralhrang in ramsung thuneihnak an lak pekte khalah nasa zetin lamzawhnak ah arak tel ṭheu. July 11 sun ah a innsang pawl thawn CB bank ah sumpai ting 4,000 an va suah.

An tlunlam ah motor pakhat in a thlun thup vivo ih an inn hmaiah Ma Khin Yadanar Aung cu an kap that. Motor sungih um a innsang pawl khal an dirsuak thluh ih an motor cu an tlanpi. Cumi hnu reilote ah ralhrang pawl an va thleng ih zingzoinak an tuah.

An motor cu bualrawn ah an va hmu ih motor sungah sumpai ting 800 lawng an hmusal. Ralhrang in ramsung thuneihnak an lak hnuah ramsung ah suamhmang an pung deuhdeuh. July 11 nikhat lawngah Mandalay ah suamhmang cangvaihnak veihnih a thleng.

Be the first to comment

Leave a Reply

Your email address will not be published.


*