Sumpai A Duh Tuk Ruangah Putar Zet A Nei, A Rualnu In A Thuhla A Sut Cu A Lau Tuk !!!

Fala kum 20 mi ruangrai ṭha zet, khawkhat fala hmelṭha an timi in pasal ah putar kum 60 luanzo mi anei. Ṭhenkhat fala cu duhdawtnak siloin sumpai an duh ruangah pasal nei an um hnuaihni zo, putar khal an silen sumpai an neih phot cun an hmu nonal mai. An thih tikah an rothilri pawl cotu ding an si ti cu an theiaw.

Cutin putar zet thawn an neiaw ih a rualnu in a thuhla cu theih a cak zet, putar milian zet pasal ih a nei cu ava ti fuh ve. A harhdamnak khal a ṭha nawn lo dingih a hahdam zet ding tin ruatnak anei. An neihawk hnu thla reilote ah avun phone ih “Ka rual, ziangsi na dinhmun? Kan putar cu a upa zo ih na hahdam zet ding ti ka zum?” tin a sut.

Cutikah “Ka lo sim paih leu, na theih duh asilen MAI-Yangon-Bangkok vanzam sungih hnaṭuantu pawl va sut aw” a ti. A rualnu ih a letsawng dan cu mak a ti tuk ih MAI-Yangon-Bangkok vanzam thuhla cu theih a cak deuhdeuh. MAI vanzam zung cu a phone lohli ih “Ziangtin si nan hnaṭuandan?” tin a sut.

Hnaṭuantu in “MAI-Yangon-Bangkok vanzam cu vanzam picang zet a si ruangah sunzan in kan cawl man lo. Nikhat ah vei 5 kan zamsuak ṭheu, vanzam to man khal a khung vekin mipi hi naute vekin kan duat ih ziangkim kan tuahsak thluh. Zarhkhat ah ni 7 sung hna kan ṭuan, sunzan rori cawlthiam loin kan zamsuak. Veikhat kan zamsuah tikah minute 45/50 hrawng cu kan rei” tin an rak simfiang ih a rualnu ih thilton cu a theithiam hngal ruangah a lau tuk.

Be the first to comment

Leave a Reply

Your email address will not be published.


*