Sumpai Khong Ṭheu Ralhrang Cu Mipi Kilhimtu Pawlin An Kap, 2 An Thi. CDF In Ralhrang Sakhan An Kap >>>

Sagaing, Kanbalu khawpi, Kanbalu-Collin lamzin parih sumpai rak khong ṭheutu ralhrang pawl cu tualsung mipi kilhimtu in an kap ih ralhrang 2 an thi, pakhat in hliam nazet a tuar. Hitawk hmun ih ralhrang pawlin khualtlawng sukso pawl hnenah sumpai an rak khong ṭheu.

December 3, 2021 simlam nazi 3:00 hrawngah tualsung mipi kilhimtu pawlin an kap ih a hmun ah palik 2 an thi, pakhat in hliam a tuar.

Cumi hnuah Chet Gyi ralhrang sakhan ah zual an ko ih palik, ralkap le Pyu Saw Htee pawlin va bawm dingin an poksuak. Motor thawn an tlan laiah tualsung mipi kilhimtu pawlin bomb in an rak puah bet ih ralkap le Pyu Saw Htee 8 in hliam nazet an tuar. Hliamtuar ralhrang pawl cu damlo phurnak motor in siizung ah an phur.

Tuizing December 4 zinglam nazi 8-9 ah CDF-Kanpetlet pawlin ralhrang pawl umhmun khuarnak sakhan an va kap ciamco. Kanpetlet tlawnginn ih umhmun khuar ralhrang pawl cu CDF-Kanpetlet in an va kap ih ralhrang 2 an thi, 2 in hliam an tuar. Cun tuizing thotho ah Kanpetlet ramsung ih thuṭhennak zungpi a kang.

Be the first to comment

Leave a Reply

Your email address will not be published.


*