Sumpai Le Sui An Ruk Hlanah Thawinak Le Thlacamnak An Nei Hmaisa

Thilthar nei le sumdawngnak thar tuah tikah thawinak le thlacamnak an nei ṭheu. Rukru in thil a ruk hlanah thawinak le thlacamnak an nei hmaisa ti cu a danglam zet. India, Kerala ramsung ih thilthleng a si.

May 19 zarhpi zan ah rukru pawl cu bulpak bank pakhat ah an lut thup, bank building parah an kaiso ih sangka pawl an siatsuah hnuah an lut. Sumpai le sui pawl an retnak an on hlanah an pathian hnenah thawinak le thlacamnak an nei hmaisa.

Monday zing nazi 9:00 hrawngah bank neitu cu ava feh ih rukru an lut ti a thei, Rs.30 lakh man sui le sumpai Rs.4 lakh an ruksak. Bank sungah thawinak an tuah ta ti an thei.

An pathim milem zuk an ret ih feng le nam a keng, milem kiangah “mi ṭihnung ka si, in hawl hlah uh” tin canganmi khal an hmu. Room sung hmun dangdang ah sam tam zet an hmu, uifim pawl bumnak ah sam pawl cu an ret hrim. Rukru pawl cu an kai ngah hrih lo ih an hawl rero lai.

Be the first to comment

Leave a Reply

Your email address will not be published.


*