Sumpai Ruangah A Si Lo, Duhdawtnak Ruangah Fala Mawi Zet Le Tlangval Harhdamnak Ṭhalo An Neiaw

Leitlun ah duhdawtnak diktak aum nawn lo dingah an ruat nan Elo le Mara tei nun ihsin leitlun ah duhdawtnak aum lai ti an pholang. Mara cu cathiam, fala ruangrai ṭha le hmel mawi zet a si ih mipa zaten ih saduhthat a si.

Tlangval Elo cu a nauhak lai ihsin a harhdamnak a ṭha lo ruangah a thang thei nawn lo, a taksa pianphung khal midang thawn an bangaw lo. Asinan fala Mara in a duhdawt tuk ruangah an neiaw ih tu’ahcun fapa harhdamnak ṭha zet pakhat an nei cu an lungawi tuk.

Elo in, “Vei tampi Pathian hnenah thu ka rak sut ṭheu. Ziangruangah ka hringnun hi? Ziangruangah kei kherkher? tin thu ka sut. Asinan, tu’ahcun ka thusutmi ih a letsawngnak cu ka thei zo, ka nupi Mara hi ka thusutnak ih a letsawng mi a si.

Mara hi ka hringnun ih a rahsuak a si, sumpai ruangah in duh a si lo ti ka thei. A san cu sumpai ka nei lo, Pathian hnenah lungawithu ka sim” a ti. A nupi Mara khalin a duhdawt tuk ih damsung kut zatial kai ih lengtlang dingin thutiam kamawknak anei.

Be the first to comment

Leave a Reply

Your email address will not be published.


*