Sumpai Ruangah Nupa Tuakkhat In Mi An That

Mon State, Bilin ramsung ah sumpai ruangah nupa tuakkhat in mi an that. Sumpai cawinak SATHAPANA Limited Myanmar ih hnaṭuantu Ko Aung Thiha in an sumpai cawitu pawl hnenah sumpai thang ava hlam ih that a tong.

May 12, 2022 ah Khe Mauk khua ah ava feh ih an sumpai cawitu thawn ṭongkam el’awknak a thleng ih an rak that hnuah a ruak cu an hmunchar ah an phum.

An sungkhat in, “May 12 sun ah sumpai thang hlam dingin ava feh ih a hlo. A hnaṭuanpi pawl khalin an hmu lo, May 13 ah phone call kan dawng ih tualthattu ih nupi a si. A pasal in Ko Aung Thiha a that thu in sim thei” a ti.

An hmunkhar ah an va hawl ih mithi ruak cu an hmu, tualthattu nupa in a bike le a kenmi sumpai pawl an laksak hnuah hmundang ah an tlanhlo. Mithi ruak cu siizung ah zohdiknak an nei rero lai.

A hnaṭuanpi in, “Ko Aung Thiha cu miṭha zet a si. A hnaṭuannak cu kum 3 a si zo. Tuiṭum kan thilton ruangah sumpai va hlam ding khal kan ṭih thluh” a ti. Tualthattu nupa cu palik pawlin kai dingin an hawl rero lai.

Be the first to comment

Leave a Reply

Your email address will not be published.


*