Suu Kyi Kiltu Cherry Htet Cu Kum 5 Sung Thawngtla Dingin A Thu An Ṭhencat

Aung San Suu Kyi ih bodyguard Cherry Htet cu ralhrang pawlin kum 5 sung thawngtla dingin a thu an ṭhencat. Tuisun March 31, 2022 sun ah Nay Pyi Daw court in pukmah 505 hmangin kum 2 sung thawngtla dingin a thu a ṭhencat.

December 30, 2021 ah Police Discipline Law pahbal thubuai orhter in kum 3 sung thawngtla dingin a thu an rak ṭhencat zo, zaten kom cun kum 5 sung thawng a tla ding. February 17, 2022 sun ah court hmaiah sualnak zianghman a neih lo thu a rel.

Ralhrang pawlin Cherry Htet an kaihnak a san cu We Love Daw Aung San Su Kyi Page ah, “Ka nu, ka lo ngai tuk” tin ca a tar ruangah le amai Facebook cahmai ah, “Diklonak hi a diklo tin na relsuak ngam lo asilen daiten um men uh. Diklonak cu a dik ko tin nan rel a ṭul lo” tin a tar ruangah an ti.

September 2021 ah ralhrang pawlin Nay Pyi Daw ah an kai. 2015 kum ah NLD party in ramsung hrilawknak ah nehnak an co ih cutawk ihsin Cherry Htet cu Aung San Suu Kyi kiltu dingah an hril. Aung San Suu Kyi kiang naite ih um ringring a si ih a fehnak hmunkip ah a thlun vivo, ramleng ih meeting ava kai caan khalah Cherry Htet in a thlun ṭheu.

Be the first to comment

Leave a Reply

Your email address will not be published.


*