June 19, 2022 sun ah Aung San Suu Kyi cu kum 77 a kim, Myanmar ram tuah ṭha dingin a nunnak thapin pum peaw tu a si. Ralhrang pawlin an kai ih thubuai phunphun an orhter rero lai.
A suahcam ah amah tanpitu pawlin duhsaknak phunphun an hlan. Ralhrang lamtang pawlin a suahcam ah a vuinak caanserh lem an rak hmang ve.
Mandalay, Patheingyi Township, Dahataw Cemetery thlanmual ah Aung San Suu Kyi ih zuk an tar ih mithi vekin vuinak caanserh an tuah. June 19 zingpit nazi 5:00 ah Aung San Suu Kyi vuinak caanserh cu an hmang ih mipum 50 hrawng an tokhawm.
Tualsung mi pakhat in, “Da Hat Taw khua ih thlanmual ah Suu Kyi vuinak caanserh an hmang. Himi khuami cu an tello, caan an hmang rero laiah an kiangah khuasung mi pakhat ava feh ih an rak ko hnuah an vuak ciamco” a ti.
Leave a Reply