Suu Kyi Sumpai, Ei Le In A Tlasam, Ralkap In An Bawm Tum Ih A Duh Lo

Ralkap in Myanmar ramsung thuneihnak an lak veten Myanmar ram president U Win Myint le thuron petu Daw Aung San Suu Kyi cu an kai hngal. Thla 4 lenglo an kai zo ih sumpai, ei le in an tlasam thu theih a si.

Tuisun June 7, 2021 ah court hmaiah an lang ih a lawyer hnenah sumpai, ei le in an tlasam thu a sim thei. Ralkap pawlin bawm an tum nan annih ih bawm a duh lo thu a sim.

Aung San Suu Kyi in “Ka hnenih um an kaihmi minung 8 pawl le ka uico Taichido in ei le in kan tlasam. Zarhhnih ah veikhat in ra pek a ṭul ding” tin a kuthnuai ih hnaṭuan Daw Min Min Soe hnenah a sim.

Daw Min Min Soe in “Tu hrih ahcun 5 million kyats (US$3,050) in an thathiam ding thu in sim” a ti. Ralkap pawl ih an kaihmi Daw Aung San Suu Kyi, President U Win Myint le Naypyitaw Council chairman Dr. Myo Aung pawl cu June 7 ah court hmaiah an lang, court in Daw Aung San Suu Kyi ih thubuai cu ni 180 sungah relfel dingin a cohlang.

Be the first to comment

Leave a Reply

Your email address will not be published.


*