Tabayin Ramsung Ih An Doawknak Ah PDF 18 An Thi Ih Hliamtuar Khal An Tam

Shwebo District, Tabayin ramsung ah ralkap le mipi kilhimtu PDF pawl an doaw ciamco. July 2 sunah nasa zetin an kapaw ih PDF pasalṭha 18 rori an thi ih hliamtuar 10 lenglo an um.

PDF in “kanmah lam mithi ruak tam zet kan hmu, an zaten meithal kahnak hliamhma an tuar. Ṭhenkhat cu an lu an rak tuam” a ti. July 2 sun, Tabayin ramsung an doawknak ah ralkap lam 4 an thi.

July 2 sun thotho ah Sagaing Division, Kawlin ramsung ah Kachin ralkap KIA le mipi kilhimtu PDF pawl an komaw ih ralkap pawl an kap ciamco.

Kawlin ramsung ah thuneihnak latu ralkap pawl an rak hrang zet, khuasung mipi khal an duhduh an kap ih an kai ṭheu. July 2 sunah KIA le PDF pawl komaw in ralkap pawl an rak bawh, ralkap pawl cu Sagaing ihsin Kachin ram ih feh tum an si.

An rak kap ciamco ih a hmun ah ralbawi 2 le ralkap 30 an thi, hliamtuar khal tam zet an um ti a si. Ralkap motor 3 khal an urkang sak, an doawknak ah khuasung mi 2 in hliam an tuar.

Be the first to comment

Leave a Reply

Your email address will not be published.


*