Tachileik Tlawnginn Ah, “Tuition Nan Kai Thei Lo Asilen Tlawngkai Hlah Uh, Tuition Nan Kai Lo Asilen Exam Nan Ong Lo Ding” Tin Tlawngta Nauhak Pawl An Hringhro

Shan State, Thailand-Myanmar ramri ih um Tachileik khua ah tlawng zirhtu sayama pawlin an tlawngta nauhak hnenah, “Tuition nan kai thei lo asilen tlawngkai duh hlah uh. Tuition nan kai lo asilen a theih lo, exam nan sung ding. Exam thusutnak pawl cu kanmai tuahmi a si” tin phun (8) tlawngta nauhak pawl an hringhro ruangah nulepa ṭhenkhat cu an beidong tuk.

Tachileik cu ramri ih um a si vekin Thailand sumpai khal an hmang, tuition kai man cu 700 baht an dil (Kawlram cun 30,000 lenglo a si). Tachileik nauhak tlawnginn dangdang khalah zirhtu saya/sayama pawlin tuition kai dingin an fial.

Yan Aung Myay vengsung ih um nauhak tlawnginn ah bomb an rak puah zo ruangah a kiangkap ah CCTV an ret ih tlawnginn cu ralkap le palik pawlin an kil ringring. Ramsung a buai vekin hnaṭuan ding a harsa, sumpai aum lo ruangah nulepa tam zetin an fale pawl cu tuition an kaiter thei lo.

Nulepa ṭhenkhat in, “Tlawng an kai veten tuition hmin an sal hngal. Nauhak pawl tlawngkai lo cun a cang thei lo ruangah tlawng kan kaiter, a hlan vekin kan sinpi nawn lo. Tuvek caan ah tuition man khal kan nei lo” an ti.

Be the first to comment

Leave a Reply

Your email address will not be published.


*