Tahan Ah Inn A Kang, Sekan Khua Ah Bomb A Tla

Tuisun April 1, 2022 sun nazi 3:00 hrawngah Kalaymyo, Tahan vengsung ah inn pahnih a kang. အ.ထ.က (၅) tlawnginn dunglam, Tahan bazar kiangih um inn pahnih cu a kang.

Nazi 3:30 hrawngah vengsung mipi le meitat motor 2 in kangmei cu an thelhmit thei. Innsung ih thilri bungrua malte lawng an thiarsuak man, kangmei ruangah minung khawngaw ngah an um lo. Tutiang kangmei a suahnak san an theifiang hrih lo ih an zingzoi rero lai.

Tuisun April 1, 2022 sun nazi 2:00 hrawngah Utawk tlangpar ih umhmun khuar ralhrang pawlin bomb an kap ih Sekan khuasung ah a tla. Inn pakhat ah a tla ngah ih inn cu a siat, himi innsung ah zohman an um lo tin tualsung mipi pawlin an rel.

Ralhrang pawlin ziangruangah bomb an kap ti cu theih a si lo, doawknak khal aum lo ruangah ralhrang pawl an hrosuannak ah an kap men mi a si ding tin tualsung mi pakhat in a rel.

Be the first to comment

Leave a Reply

Your email address will not be published.


*