Tahan Kiangkap Ah Bike Rukru An Tam

Kalaymyo, Tahan kiangkap ah bike ruk hmang an tam zet, sunlaifang khalah an cangvai ngam zo ruangah fimkhur a ṭul tuk. Tulai bike ruk hmang pawlin thilri bungrua an nei ṭha ruangah gate kalh man khal aum lo, thirhri an cepcat hluahhlo thei.

Ralhrang in ramsung thuneihnak an lak hnu ihsin ramsung ah suamhmang le rukru an pung ciamco, a hlan khalah meisa hri pawl an rak ruk ṭheu ih tu’ahcun bike lamah an cangvai sal. Rukru in hriamhrei an keng tlangpi ruangah vengsung mipi pawl tangkhawm hna thiam a thupi.

March 3, 2022 zan khalah Taungphila vengih inn pakhat ta bike 3 an ruksak, an inn gate khal an kalh nan an lut thei thotho. Innsung ah bike 4 an ret ih 124 bike pahnih le scooter pakhat cu an ru, bike cet ṭha lo lawng an tan.

Cumi hlan ni 4 liamcia khalah Tahan vengsung ah scooter bike pakhat a hlo, sunlaifang ah an innhmai ih an ret mi bike cu an rak ru. Tahan kiangkap ah bike ruk hman an pung ciamco ih kaih ngah ngaingai mi an um hrih lo ruangah fimkhur cio uh.

Be the first to comment

Leave a Reply

Your email address will not be published.


*