Tahan Methodist Mission Veng Biakinn Kiangah Bomb A Tla Puak

Kalaymyo, Tahan Methodist Mission Veng biakinn kiangah bomb a tla puak. Tuizing April 12, 2022 zingthlapit nazi 1:00 luan ah bomb hi a tla puak, inn pakhat a ngah. Bomb veithum a puak hnauh meithal awn khal an thei.

Ralhrang pawlin Kalaymyo peng, Natchaung khua ah inn 100 zikte an urkangral. April 11 sun ah nauhak tlawnginn khal an urkang. April 11 zinglam ah an khuasung ah ralhrang pawl an va lut ih an urkang.

April 10 zinglam ah Yangyiaung khua ihsin ralhrang pawl motor cu Kalaymyo lamah a feh, lamzin ah tualsung mipi humhimtu pawlin an rak kap, cumi hnuah ralhrang pawlin Natchaung khua an urkang.

Nikum 2021 December thla khalah Natchaung khua kiangkap ah nasa zetin an kapaw ciamco, cumi áš­um khalah ralhrang pawlin Natchaung khua ih inn an urkang zo ih mithi khal an um. April 10 zinglam ih an kahawknak ah ralhrang 10 an thih thu tualsung mipi humhimtu pawlin an phuang.

Be the first to comment

Leave a Reply

Your email address will not be published.


*