Taingen Khua Kiangih An Sarmi Ruak Cu Zo A Si Ti An Theifiang Zo

Chin State, Tedim peng, Taingen le Hiangzing khua karlak ah mithi ruak le bike pakhat an hmu. April 19, 2022 ah ramvak pawlin thilrim sia zet an thei ih an hawl hnuah mithi ruak cu an hmu, a taksa a siat thluh zo ruangah zo a si ti an thei lo lawk ih online parah an tarlang cece.

Cumi hnuah mithi ruak cu Tedim Peng mi Kalaymyo ih khuasa Moses Kim Tuang a si ti an thei, Moses Kim Tuang hi mino ramkhel hminthang pakhat a si ih Zomi Political Co-ordination Committee (ZPCC) sungtel le an rinsan zetmi a si. A innsang pawlin mi kuttuar ih thi a si an zum thu an rel.

Moses Kim Tuang thuhla ah, “November 29, 2021 ah an kai ih December 1 ah in phone ih in suah zo, ka luah zo’ a ti. Zinglam nazi 10:00 hrawngah in phone ih kan lungawi tuk.

Sun nazi 1:00PM hrawngah Tedim thleng ding a si, asinan ni a tlak hnuah kan phone rero nan kan phone thei nawn lo. Himi ni ah an that a si men ding ti kan zum” tin Tedim ih a thleng ding rak hngaktu saya Hau in a rel.

Mithi ruak an sar thuhla hi online ih an tarlang hnuah a innsang pawlin an va zohdik ih amah a si ti an thei, a ruak cu Kalay ah an tlunpi ih tuisun April 20 ah an vuiliam. Moses Kim Tuang thihdan thuhla hi theihfiang a si hrih lo.

Be the first to comment

Leave a Reply

Your email address will not be published.


*