Taiwan Ah US Palai An Tlawng, China In, “Na Fehnak Lamzin A Ṭihnung” Tin Ralrinnak A Pe

US palai pawl cu Taiwan ram ah ava tlawng ih Taipei airport ah Taiwan ramdang palai Joseph Wu in arak hmuak. Taiwan President Tsai Ing-wen le Defense Minister Chiu Kuo-cheng khal an tong tum, Taiwan president aiawh ih thuphangtu in an tonawknak cu ‘US le Taiwan rualpi ṭha sinak ah a si’ a ti.

Hitin an tlawng thutthi ruangah China cu a mangbang tuk ih China thuphuangtu Zhao Lijian in, “Na fehnak lamzin a diklo, na fehnak lamzin hi a ṭihnung. US le China pehtlaih awknak cu a senter (red line)” a ti.

Taiwan ram hi China in a kuthnuai ih ret a tum ringring, Taiwan khalin zalennak ngah ram ah an ruataw ih China cu innhnen ṭhalo an ti. US in Taiwan a bawm ṭheu ruangah China in US hi a hringhro ṭheu, Russia in Ukraine ram a siim pekte ah China in Taiwan ram a siim ve ding ti leitlun mipi pawlin an phang zet.

US palai le daanthiam pawl cu Taiwan ram an tlawng hnuah Soloman Islands tikulh ah an va lan tum, kan dungte ah Soloman tikulh hruaitu le China an tongaw ih hnaṭuan tlang dingin thu an rel zo.

Be the first to comment

Leave a Reply

Your email address will not be published.


*