Taliban Pawlin Fala Pakhat An That, A Kor Hruh Ruangah An Ti

Afghanistan ramsung ihsin USA ralkap pawl an suak veten Taliban tapung pawl hi an hrang zet, ram an nor vivo ih an ramsung ah daan le dun an tuah.

Mipi pawl ih hnipuan hruh ding khal an control, cun nunau cu innleng ih an vaksuak asilen an sungkhat mipa pakhat khat in a thlun ding. Mipa pawl khal khabe hmul zuah thluh ding tipawl daan an suah.

Samar Qandian khua ih um fala kum 21 mi Nazanin cu a kor hruh a tet tuk ruangah Taliban pawlin an kap that thu an phuang. Asinan tualsung mipi pawlin an kor saupi Burqa a hruh ih a taksa zaten a tuam thluh, a hmai khal a hup an ti. An kah thatnak cu thil dang ruangah si an zum sawn.

Taliban tapung pawlin umhmun an khuarnak ramsung ah tleirawl, fala pawl cu nupi dingah an kaihrem ṭheu, an duh lo asilen an that. An ukbet mi ramsung ah long speaker in palik pawl ih nupi, cozah hnaṭuan pawl ih nupi, nuhmei (nuthlawi) pawl cu an kutsung ah ra ap’aw dingin an ko ṭheu.

Be the first to comment

Leave a Reply

Your email address will not be published.


*