Tamu Ah CDM Tuah Tlawng Sayamah A Awk Aw That

Tamu ah CDM tuah tlawng sayamah cu August 26, 2022 zanlam nazi 4:00 hrawngah an inn ah hridai in a awk aw that. Tamu peng, Kanan khua ah tlawng sayamah arak ṭuan ṭheu. Ralhrang in ramsung thuneihnak an lak hnuah an kuthnuai ah hna a ṭuan duh nawn lo ih CDM a tuah.

Cumi hnuah Federal Education School Tamu (F.E.S.T) ah tlawmngai in sayamah a ṭuan. Kum 40 mi Daw San Mo Mo le a pasal cu August 26 sun ah court ah ṭhenawknak an tuahfel, zanlam ah a tlung ih hridai in a awk aw that.

F.E.S.T ih ṭuanvo neitu in, “August 26 sun cu bulpak thuhla ruangah colh a la. Colh laknak cahnah in ra pe, sun nazi 3:00 hrawngah thuṭhennak zung ah an nupa in ṭhenawknak an tuahfel ih zanlam nazi 4:00 hrawngah hridai in a awk aw.

A naunu in thil a theihhngilh ruangah inn ah ava tlung sal ih Daw San Mo Mo a talbuai rero lai cu a hmu. Vengsung mipi pawl a ko ih siizung ah an tlanpi, siizung an thleng hnuah a thi” a ti. Daw San Mo Mo hi miṭha le mifel zet a si, midang thawn buainak an nei dah lo ih daiten aum. A ruak cu tuisun August 27 ah an vuiliam.

Be the first to comment

Leave a Reply

Your email address will not be published.


*