Tamu Ah Naute Ni 28 Lawng Ih Upa Cu Covid-19 In A Thi, Positive 171 An Um Zo

Kalaymyo kiangkap hrawng cu Covid-19 in a nuai rero lai. India ramri ih um Tamu ah Covid-19 natnei an pung deuhdeuh ruangah Lockdown thu an phuang zo.

Tuisun June 4 ah naute ni 28 lawng ih upa cu Covid-19 in a thi. March 26 ihsin June 2 tiang RDT Test Kit zohdiknak an nei ih Covid-19 positive 150 lenglo an hmusuak. Cun, tusiun an zohdiknak ah positive 21 hmuhsuah bet an si ih an zaten 171 an si.

Tamu khua upa U Kyaw Kyaw Lin in “Covid-19 ih damlo an pung deuhdeuh, tuisun ah 21 hmuhsuah bet a si. Tuizing nazi 3:28 ah naute ni 28 lawng ih upa cu Covid-19 in a thi, hringtu a nu khal Covid-19 ih damlo a si’ a ti.

Covid-19 ih damlo pawl cu Tamu General Hospital le Prince District Hospital ah an tuamhlawm rero lai, cun rinhlel mi pawl cu cozah building ah quarantine in an ret.

Be the first to comment

Leave a Reply

Your email address will not be published.


*