Tamu Ah Pyu Saw Htee Pawl Cu Ralhang Sakhan Sungah An Beu, Ralhrang In Ruhro An Hlan

July 5, 2022 ah India mi pahnih cu Tamu khuasung ah Pyu Saw Htee pawlin an kap that ruangah ramri buainak a sosang. An thahmi pahnih cu Tamil miphun an si ih ralhrang pawlin an urkang.

India mipi cu an thinheng tuk ih Moreh kiangkap ah lamzawhnak an nei. India mi pahnih thattu Pyu Saw Htee le an innsang pawl cu Tamu ralhrang sakhan sungah an va beu.

Khuami upa pakhat in, “India cozah in Tamil miphun pawl hnenah zangnadawmnak a pe ih daihnak an tuah. Ralhrang pawl khalin an thahmi pahnih ih ruhro pawl an pe, ruhro hi anmah an si ngai le ngai lo cu theih a si lo” a ti.

Ramri buainak cu a ziaum deuh nan minung lutsuak cu an siang hrih lo. July 6 ah Moreh khuasung ah minung 5 aitam umkhawm an siang lo nan July 9 ihsin an siangsal.