Tamu Ah Pyusawhti Zuri An Kap Aw That, Ralhrang In Thuthang Dik Lo An Suah

Tamu, India-Myanmar ramri 12/B vengsung ah ralhrang kuthnuai ih cangvai Pyusawhti pahnih cu zuri in an sual aw ih an kap aw that.

Parhe lilawn kiangah mithi ruak pahnih cu hmuh a si ih August 7, 2022 zinglam ah palik pawlin an thiar. August 6 zan ah Pyusawhti pahnih cu zudawr ah zu an intlang ih an buai.

Zan nazi 7:30 hrawngah meithal in an kap aw ih an pahnih in an thi. Mithi pahnih cu 12/B vengsung ih um tlangval kum 20 mi hrawng Aung Zaw Lin le Myo Min Tun an si.

Ralhrang thuthang Fifty Two News sungah “Parhe lilawn kiangih duty pawlin bike mawng lai cu an dingter ih an ding lo ruangah an kap that. PDF an si ih an kutsung ah puakthei thilri pahnih aum” tin thuthang dik loin an tarlang.