Tamu Ah Ralkap In Chin Rawlthar 2 An Kap That

Sagaing, Tamu, New Zalenphai@Naungket khua thar ih um Chin rawlthar 2 cu thuneihnak latu ralkap pawlin an kap that thu theih a si. Kum 15/16 mi hrawng cu lo hnaṭuan an si, Chin Kuki miphun an si.

Rawlthar minung 6 cu lo hnaṭuan ringring an si ih July 10 zarhte ni cu hnaṭuan cawl in Kyun Pin Thar khua ah an va leng. Zan nazi 10:00 hrawngah an tlung ih lilawn kiang an thleng zawngah ralkap pawlin an rak kap ciamco hngal.

Pahnih cu a hmun ah an thi cih, pathum cu hliamhma na zet an tuar ih ralkap pawlin an kai. Pakhat cu himdamten a tlansuak thei, an kaihmi 3 cu tutiang an suah hrih lo ti theih a si.

July 10 zan nazi 11:00 hrawngah Kyun Pin Thar khua mipi pawlin meithal awn vei 50 hrawng an theih thu an rel, sualnak nei lo mipi an kap that rero cu ningnat aum tuk.

Be the first to comment

Leave a Reply

Your email address will not be published.


*