Taxi Sungah A Wallet A Theihhngilh, Kum 7 Hnuah Kimten A Ngahsal

England, Manchester khawpi ih um pacang kum 45 mi in June 2015 ah taxi motor sungah a sumpai bawm a theihhngilh, kum 7 hnu 2022 ah kimten a ngahsal cu mak a ti zet.

June 2015 zan ah rualpi pawl thawn nuamcen in an leng ih taxi thawn a tlung, taxi sungah a wallet cu a theihhngilh ih taxi cu a pehtlaih thei nawn lo. Cutin kum le caan an liam vivo ih a wallet thuhla cu a thei nawn lo hnuah cakuat a dawng thutthi.

Cakuat sung avun zoh ih a wallet arak um, a wallet sungah a sumpai £135, driving licence le bank cards pawl kimten aum thluh. A hloh laiih aumdan vek cetci arak um lai. Zo in a wallet hi an kuatsal ti cu a thei hrih lo ih cakuattu ah ‘Manchester Taxi Driver’ ti lawngin a nganaw.

Andy in, “Samaria miṭha ka tong ngah. Kum 7 hnuah ka wallet hlo ka ngahsal. Ka wallet sungih coin pawl cu a hlun tuk zo ruangah ka hmang thei nawn lo, ka bank card khal a thihnak hi kum 5 a rei zo.

Kum 7 sungah mi dangdang in taxi hi an hmang rero ding si khaw, wallet hi an hmu lo maw si ding. Himi zan ah taxi ihsin ka suah veten fala pahnih in taxi an hmang hngal ti cu ka thei. Taxi mawngtu hnenah lungawithu ka sim duh” tin online parah a tarlang.

Be the first to comment

Leave a Reply

Your email address will not be published.


*