Tedim Ah Bike Mawng An Kap That

Chinram, Tedim khawpi ah ralkap/palik in bike mawng pakhat an kap that. September 11 zan nazi 9:45 hrawngah mino 3 cu bike thawn lam an leng ih ralkap/palik pawlin an rak dingter nan an ding lo ruangah mino pakhat cu an kap that.

Mithi cu Gawngmual khuami a si ih ralkap pawlin a ruak cu siizung ah an phur, hliamtuar 2 cu mipa le nunau an si ih kum 15 mi hrawng an si. Tualsung mi pakhat in, “Bike thawn Sakawlan (စကောလမ်) veng ihsin Myoma veng lam ih feh tum an si.

Bogyoke lamzin ihsin an feh ih palik sakhan hmai ah palik pawlin ding dingin an rak auh. An ṭih tuk ruangah an bike cu an tanta ih an tlan, an tlan lai cu an kap hngal ih mipa pakhat an kap that.

Pahnih cu hliamhma thawn an tlansuak thei. Mithi ruak cu palik pawlin siizung ah an phur, hliamtuar 2 cu siizung ah an feh lo. Mizan ah meithal awn vei 15-20 hrawng kan thei, cumi hnu khalah meithal awn cu kan thei phahphah lai” a ti.

Be the first to comment

Leave a Reply

Your email address will not be published.


*