Tedim Ah Mithi Inn Ihsin Tlung Pacang Cu Ralhrang Pawlin An Rak Kap That

Chin State, Tedim khua ah mithi inn ihsin tlung pacang kum 25 mi Pu Kap Suan Kham cu ralhrang pawlin an kap that. Pu Kap Suan Kham hi fa pahnih nei a si, May 4, 2022 zan nazi 9:00 hrawngah bike thawn a tlung ih tlawnginn kiangah ralhrang pawlin an kap that hnuah a ruak an la. Ralhrang pawl cu tlawnginn ih umhmun khuar an si.

Ralhrang pawl ih cerek cu kiangkap inn ah a luttlang ih ihkhun parih um mipa pakhat ih kawng ah ava ngah bet. A zan inn a tlung lo ruangah a nupi in a seherh tuk, meithal awn an theihnak tlawnginn kiangkap ah an va hawl ih a lukhum le a kedam an hmuh hnu lawngah an kap that ti an thei.

A ruak cu Tedim senpi siizung ah an ret lai ih lak an siang lo. Ralhrang pawlin an thuthang sungah ‘Rinhlelmi bike mawng pahnih cu kan dingter ih an ding duh lo ruangah kan kap. Mipa pakhat kan kap ngah ih a kutsung ah Lai meithal pakhat le cerek 20 kan hmu” tin thuthdang diklo an tarlang.

An sungkhat in, “Tuisun ah ralhrang pawlin Lai meithal le bomb an rung keng ih a ruak thawn an zukpi. Pu Kap Suan Kham hi hriamkai a si lo, innsang harsa zet an si ruangah innsak in eihawl a si. A ruak cu ralhrang pawlin in pe hrih lo, a taksa parah meithal kahnak hliamhma 5 le nam ih dawtnak hlimahma aum. Meithal in an kah hnuah a thih hlanlo an dawt a si ding” a ti.

Be the first to comment

Leave a Reply

Your email address will not be published.


*