Tedim Ah Motor A Tla, Mi (2) An Thi Ih (6) In Hliam An Tuar

Chin State, Tedim peng, Tungzaang khua ihsin Kalaymyo lam ih tlan thil phur motor tumpi cu lamzin kap ah a tla. Himi motor ah minung (8) an to.

June 20 sun ah motor cu Dimlo khua kiang feet 600 ih sang ah a tla ih motor to minung 8 cu Tedim siizungpi ah an tlanpi. Minung 4 cu an hliamhma a nasa tuk ruangah Tedim siizung ihsin Kalaymyo siizung ah tuamhlawm dingin an phur.

Kalaymyo lam ih an tlanlai a zan nazi 9:30 hrawngah hliamtuar Pa Thang Khua Cin Tawng a thi. Hliamtuar (3) cu Kalaymyo siizung ah an tuamhlawm ih Pu Tual Zam cu a besia tuk ruangah Mandalay siizung ah tuamhlawm dingin an phur.

June 21 ah Kalaymyo siizung ihsin Mandalay lam an pan lai lamzin ah Pu Tual Zam cu a hliamhma tuar nawn loin a thi. Midang (6) cu an dinhmun a ziaum vivo.

Be the first to comment

Leave a Reply

Your email address will not be published.


*