Tedim Ah Palik 3 An Kah That Hnu Ihsin Khuasung Cu A Reh Reprep

August 25 zinglam nazi 11:00 hrawngah Chinram, Tedim ah palik 3 an kap that, palik 3 cu Myanmar Economic Bank kiltu an si. Palik kap thattu cu zo an si ti an thei hrih lo, bank hnaŠĻ≠uan pawl khal bank dunglam ihsin an rak tlansuak thluh.

Palik kap thattu pawl cu bank sungah an lut ih sumpai an lak hnuah an tlan tin kiangkap um pawlin an rel, a hmun ah ralkap le palik pawl an va thleng zo ih bank khal an khar, hmuhtheih in zingzoinak an tuah hrih lo nan khuasung mipi pawl cu an vaksuak ngam lo ih an khausung cu a reh reprep.

Tualsung mi pakhat in “Minung 4 cu meithal tawi kengin bank kiltu palik 3 an kap that. Cumi hnuah bank sungah an lut ti kan thei, tu’ah zohman leng kan suak ngam lo. Khuasung mipi zaten kan suak ngam lo ih khuasung cu a reh reprep. Tedim PDF pawl cu an si lo an ti, asinan himi thuhla ah Tedim PDF in ziang thuhla hman an suah hrih lo” tin BBC hnenah a sim.

Sun nazi 1:00 ah Kalaymyo ihsin ralkap helicopter pakhat cu Chinram lamah a zamsuak. July thla ihsin Chinram, Tedim ramsung cu Covid-19 in a nuai ciamco ruangah kahawknak a thleng tuk nawn lo. Tui thla sungah cun tu hi ahmaisa bik an kahawknak a si.

Be the first to comment

Leave a Reply

Your email address will not be published.


*