Tedim Ah Ralkap Le Mipi Kilhimtu Pawl An Kapaw Ih Ralkap 2 An Thi

Tedim ramsung Kennedy tlang hnuai ah CDF KKG (CDM Siyin) le PDF Zoland pawl an tangtlang ih ralkap pawl an kap.

November 5, 2021 sun nazi 3:30 hrawngah tlang hnuai ih um ralkap 4 cu an va kap ih ralkap 2 an thi, ralkap pahnih cu hliamhma thawn an tlansuak. Meithal pahnih khal an laksak thu PDF Zoland thuphuangtu in a rel. Mipi kilhimtu lam ah pakhat in hliamhma nazet a tuar.

PDF Zoland thuphuangtu in, “Kennedy tlang parah ralkap pawlin sakhan te an nei. Ralkap 4 cu motor lamzin kap ah an ra ṭum ih kan rak kap, ralkap pawlin lamzin kap ah sakhan an din vivo ih khualtlawng pawl hnenah sumpai an dil ṭheu” a ti.

Kalaymyo ihsin Chin ram lamzin tluan Khaikam, Taingen, Kennedy tlang le var lilawn pawl ah ralkap in sakhan te an din ih khualtlawng sukso pawl hnenah san le vang um loin sumpai an rak dil ṭheu thu pawl theih a si.

Be the first to comment

Leave a Reply

Your email address will not be published.


*