Tedim Ah Vur (ရေခဲ) Zuar Kawlpa In Meithal Arak Pai Thup Ih A Thlau

Chinram, Tedim ramsung khuate lamah Kawl pacang pakhat in vur a zuar vivo, bike thawn vui a zuar ih khua le ram a fangkual.

June 5, 2021 zanlam ah Tungzang khuasung ah vur a zuar, a taksa sungih a pai thupmi meithal tawite cu a thlau pang ih khuasung mipi pawlin an rak hmu man. Zamrang zetin Tedim lamah a tlan cih an ti.

Tungzang khua cu Tidem khua ihsin peng 15 hrawngin a hla. Online mipi in vur zuar ngaingai a si zik lo, ralkap spy dalan a si ko ding an ti.

Ṭhenkhat in amah le mah humhim awknak ah meithal arak pai thup tla a si thei tin an comment.

Myanmar san thuanthu zohsal tikah Myanmar ralkap pawl hi leitlun ih spy thiam an rak si ve. Curuangah tulai rambuai lai a si ruangah khuasung ih vur zuar le thilsia hawl pawl hi rak zum tuk lo sehla a fuh bik ding.

Be the first to comment

Leave a Reply

Your email address will not be published.


*