Tedim Bomb Puak Ah Nauhak Pakhat A Thi, Nauhak 2 Hliam Nazet An Tuar

Chinram, Tedim khua ah bomb a puak ih nauhak kum 10 mi Lian Muan Sang a thi.

May 19 zanlam nazi 5:20 ah Loi Bual vengsung အ.ထ.က ၂ tlawnginn kiangah bomb a puak ih a kiangih um Pa Kham Sian Khai le Nu Niang Khan Cing tei fapa Lian Muang Sang cu bomb puak ruangah a nunnak a cem.

Cun, bombnak kiangih um thotho unau 2 khal hliam nazet an tuar, unau 2 hliamtuar cu Kip Muan Khai kum 10 mi le a nau Kap Lian Khual kum 6 mi an si.

A u cu hliamhma natuk a tuar lo nan a nau sawn ih dinhmun cu a ṭha lo ruangah cozah siizungpi ah an tlanpi.

Zo in bomb an kam tilen zo in bomb an puah ti cu an thei lo, asinan ralkap pawl ih kammi si an zumbik. A san cu Hakha khua kiangkap hrawng khalah ralkap pawlin bomb an rak kam zo.

Be the first to comment

Leave a Reply

Your email address will not be published.


*