Tedim Civil Society Support In Ralrinnak Thu An Suah

Tedim Civil Society Support in cozah hnaṭuan CDM tuahtu pawl ih hnaruak ah CDM tuahtu aiawh ih hnaṭuan diltu pawl hnenah ralrinnak an pe. Tedim People’s Hospital ih hna diltu, hmin cazin petu pawl ralring uh.

Ram hrangah mi in an hna ngah zo mi khal an cawlhsan, hmailam caan hrangah tin an nunnak thap in raldonak ah an tel. Cumi cu caanṭha ah rak la in hnaṭuan diltu pawl, CDM tuahtu aiawh ih hmin cazin petu pawl mipi in kan lo zoh menmen zik lo.

CDM tuahtu pawl cu ziangah siar loin nangmah hrang lawng ruat in hna nan dil asilen nan vah suksonak ah thil pakhat khat nan tong thei. Hnaruak dil theih tin ca suahtu pawl khal atu rori ah hnukdawk aw sal uh.

Nan thiltuah hi ralkap thawn hna nan ṭuantlang lawng a si lo, CDM tuahtu pawl khal nan dokalh ruangah mipi in napin hremnak kan lo pe ding. Hnaṭuan diltu hmin cazin khal mipi hmuh ah kan pholang ding tin ralrinnak an pe. Myanmar ramsung hmun dangdang khalah mi ṭhenkhat in CDM tuahtu aiawh in hna an rak dil rero zo.

Be the first to comment

Leave a Reply

Your email address will not be published.


*