Tedim, Hiang Zing Khua Ih Umhmun Khuar Ralhrang Pawl Cu Tualsung Mipi Kilhimtu Pawlin An Va Kap Ciamco Ih 15 An Thi

Chin State, Tedim peng, Tedim-Kalay lamzin parih um Hiang Zing khua ih umhmun khuar ralhrang pawl cu tualsung mipi kilhimtu pawlin tuizing January 21, 2022 zingpit nazi 1:45 ah an va kap ciamco ih ralhrang 15 an thi, mipi kilhimtu 2 in hliam an tuar.

Hitin an kahawk laiah Kalay University ih umhmun khuar ralhrang pawlin hmunhlapi kahnak pukpi in Hiang Zing khua kiangkap hrawng cu vei 11 an kap.

PDF Zoland thuphuangtu in, “Tedim ihsin Kalaymyo lam feh tikah Taingen khua aum, Taingen khua lan ciah ah Hiang Zing khua aum. Hiang Zing khua ah uico 50 lenglo an um, tuizing nazi 1:45 ah kan va kap ih nazi hrek hrawng kan rei. Ralhrang uico 15 an thi cu kan nenhnget thei” a ti.

Tualsung mipi kilhimtu pawl cu an tangtlang khawm. CDM Siyin, PDF Zoland, Zomi-PDF, CNA, Kalay PDF တပ်ရင်း 3 & 9, PDA, Zongam Army, CDF-KKG pawl an tangtlang in ralhrang pawl an kap ciamco. January 12, 2022 ah ralhrang 100 hrawng cu Kalaymyo ihsin Chin ram ah an kaiso ih lamzin tluan ah tualsung mipi kilhimtu pawl thawn an kapaw vivo.

Curuangah khuasung mipi pawl khal khualtlawng sukso hrih lo dingin thu an phuang. Tedim-Kalay lamzin ah thilri bungrua phur sukso an um lo ruangah Laitlang lam thilri bungrua man khal a kai ciamco.

Ralhrang 50 hrawng cu hmailam an pan thei nawn lo ruangah Hiang Zing khua ah umhmun an khuar. January 13 ihsin Kalay-Tedim lamzin parah ralhrang le mipi kilhimtu pawl an kapaw thok ih ralhrang 20 lenglo an thi zo, an doawknak ah ralhrang pawl doawknak vanzam khal an hmang.

Be the first to comment

Leave a Reply

Your email address will not be published.


*