Tedim Khua Kiang Doawknak Ah Ralhrang (7) An Thi

Chin ramkulh, Tedim khua kiangah tualsung mipi ralkap tangtlang pawlin June 17, 2022 sun nazi 2:30 ah ralhrang pawl an kap ih ralhrang (7) an thi, ralhrang (15) in hliamhma nasa zet an tuar thu Civic Defense Militia in an tarlang.

Ralhrang motor 17 cu Kalaymyo ihsin an poksuak ih Tedim lamah an feh, Tedim khualut hlanah tualsung mipi ralkap Civic Defense Militia le PDF Zoland tangtlang in an rak bawh ih an kap thu an tarlang.

Ralhrang pawlin ralthuam picang pukpi an hmang ruangah an kiangnai ah an feh thei lo. Mipi ralkap pawl lakah khawngaw ngah um loin dung an sip thei.

Thudang: Malaysia Ah Kawlram Mi Pakhat Cu A Hnaṭuannak Ah A Tla That
Malaysia ih hnaṭuan U Aung Myint (kum 48) cu a hnaṭuannak hmun ah cansualnak a tong ih a thi. An hnaṭuannak cetzung hmai tokham sau ihsin a tla ih tikuang ah a lu ava sawh’aw.

A rualpi pawlin siizung ah an tlanpi lohli, siibawi pawlin an theitawk in an tuamhlawm nan an runsuak thei nawn lo. Vanduai thlak zetin a hliamhma tuar loin a thi. Siizung ah ca poimawh pawl an buaipi hnu June 16, 2022 sun nazi 1:00 ah an vuiliam. Kawlram ih aumnak cu Magway ramṭhen, Paukchaung khuami a si.

Be the first to comment

Leave a Reply

Your email address will not be published.


*