Tedim Ramsung Ih Ralkap Do Tum Mino Rual Cu ZRA In An Rak Kap

Chinram, Tedim ramsung ah ralkap le mipi kilhimtu pawl an kapaw ciamco zo ih khuasung minung 2 an thi. Mino rual in ralkap pawl do dingin ṭim an tuahaw ih ramlakah an um. Cutin, ramlak ih an um laiah India-Myanmar ramri ih um hriamkai Zomi Revolution Army (ZRA) in May 22 zinglam ah an rak kap.

Tlansuak thei mino pakhat in “Zing kan tho pekte ah an ra ih ‘ZRA kan si, nan nun himnak ding hrangah tlan uh’ tin an au theh veten in kap ciamco hngal. Ralram ih meithal kap vekin in kap ciamco” a ti.

Minute 20 sung in kap hnuah Tedim ṭongin an be’aw tin mino pakhat in a rel. ZRA pawl cu minung 10 hrawng an si, ziangruangah hitin an kap ti cu theih a sih hrih lo. ZRA ngai maw an si, ziang duhsan in an cangvai ti khal an thei hrih lo.

Tlansuak thei mino pakhat in “Kan thilri pawl an la thluh, phone le camera pawl an la. An laksuah thei lo mi thilri cu an ti siat thluh, kan retṭhahmi meithal zun 5 khal an la, an lakmi thilri pawl cu ting 30 lenglo man a si” tin Myanmar Now thuthang hnenah a sim.

Zomi Revolution Army (ZRA) timi facebook cahmai ah Kawl ṭong in ralkap cozah an duhlonak pawl an tarlang ṭheu. Tuiṭum ih thilthleng pawl theifiang dingin Myanmar Now in ZRA facebook hnenah ca an kuat nan an reply hrih lo.

Be the first to comment

Leave a Reply

Your email address will not be published.


*