Texas Ah Thihdaan An Orhter Mi In An That Laiah A Kiangah Pastor Um Dingin A Dil

2019 kum ah Texas, Supreme Court in misual an thatnak room sungah sakhua hruaitu um an siang zo. Kum 37 mi John H Ramirez cu tualthat thubuai ruangah an rak kai.

2014 kum ah dawr a rok ih dawr neitu cu nam in vei 29 a dawt hnuah Mexico ram ah a tlan, kum 3 hnuah palik pawlin an kai ih thihdaan an orhter. 2020 kum a thubuai relfel sak ding a si nan Covid-19 ruangah an ṭhulh, tu’ah thil danglam zet a dilsal.

Cumi cu an that tikah a kiangah an pastor Dana Moore cu um ve in amah dai dingin a ngen nan court in a cohlang lo. A lawyer in “Ramirez ih dilmi nan cohlang lo ruangah daan nan pahbal a si. A caan netabik ahcun pastor ih umpitnak le thlacam saknak a ṭul tuk” a ti.

Thawnginn kiltu in “Security thuhla ruangah a dilnak cu kan cohlang lo. October lole November ah a thuhla cu relsak a si ding” a ti. President Joe Biden a lal hnu 2021 kum sungah US cozah in misual 5 an that zo. 2020 kum ah 17 an that ih 2019 kum ah 22 an that. Tulai ih an thatdan tlangpi cu thihsii in an dawt ṭheu. (BBC)

Be the first to comment

Leave a Reply

Your email address will not be published.


*