Texas Tlawnginn Dang Ah Meithal Kap Tumtu Mino 4 An Kai

May 24, 2022 zinglam ah US, Texas tlawnginn sungah mino kum 18 mi in tlawngta nauhak pawl a kap ciamco. Nauhak 19 le zirhtu 2 an thi.

A thaisun May 25 ah Donna Independent tlawnginn sungah tlawngta mi 4 in meithal an kap tum tin thuthang a suak. Palik pawlin an va zingzoi hngal ih mino 4 cu an kai.

Mino pakhat ih innsung ah AK-47 meithal le an kah tummi hmin list pawl an hmu, asinan neta ah palik pawlin hmin list an ngan lo tin an phuang. Donna Independent tlawnginn cu May 26 ihsin an khar hngal ih May 31 lawngah an ongsal ding.

Ṭuanvo neitu in, “Nan fale pawl kilkhawi ṭha uh. Ziang an tuah ti zoh uh, an room sungah ziang an nei ti thei tum uh. Fimkhurten nan fale pawl kilkhawi uh” tin forhfialnak anei.

Be the first to comment

Leave a Reply

Your email address will not be published.


*