Texas Tlawnginn Kahnak Ah Duhdawtnak Parkhat A Cuai

May 24, 2022 zinglam ah US, Texas tlawnginn sungah mino kum 18 mi in tlawngta nauhak pawl a kap ciamco. Nauhak 19 le zirhtu 2 an thi ih hliamtuar khal tam zet an um, mino 18 mi khal ṭuanvo neitu pawlin a hmun ah an kap that.

Tlawngta nauhak thi lakah duhdawtaw zet nauhak pahnih an thitlang. Kum 10 mi veve Xavier le Annabell cu thungai thlakin an duhaw, zan an it hlante ah “Ka lo duh tuk” tin ca an kuataw ringring, an sentet lai ihsin an komaw zo.

An nulepa khal an nel’awk phah ih zarhte le zarhpisun ah rawlei khawmnak an nei ṭheu, barbecues an tuahtlang ṭheu. Tlawnginn khalah an umtlang ringring ih an zukaw ṭheu. Annabell in hringtu a nu hnenah, “Xavier cu a rim a thaw tuk ih a hnipuan hruh khal a mawi thei tuk” a ti ṭheu.

An sayama pakhat cu meithal kahnak hliamhma tuar in siizung ah an tuamhlawm rero lai. An sayama in, “Xavier in Annabell hrangah thil ziangkim a tuahsak ṭheu. A hrangah ca a ngansak. An duhdawknak hmuh tikah in hlimter, in hnihter ṭheu” a ti. Misual kuttuar in an thi ih an innsang pawl cu lungkuai in an ṭap rero, an ruak khal hmunkhat ah an phumtlang.

Be the first to comment

Leave a Reply

Your email address will not be published.


*