Thailand Ah Kawlram Mi 3 Cu An Hnaṭuannak Hmun Ah Thawsam In An Thi

Thailand, Pattani khua ih um Kawlram mi pathum cu lawng thawn nga hawl ih hnaṭuan ṭheu an si. March 31 sun ah cansualnak an tong ih thawsam (oxygen umlo) ruangah an hnaṭuannak hmun ah an nunnak a liam. Tipithuamthum parah nga hawlin an um ih ni 10 sung an um zo.

An kaihmi nga pawl cu lawng hnuailam khan sungah an ret rimsia, ṭawih dingin an ret. March 21 zan nazi 9:00 hrawngah nga tawih pawl cu an va hailet ih cutawk ah thawsam in an thi thluh. Thuhla theitu pakhat in, “Lawng sungah nga pawl cu an ret tawih, vur le ciihlawm khal an ret lo ruangah a rimsia tuk lawmman.

A sungah an va ṭum ih oxygen an ngah khop lo ruangah hnaṭuantu pathum cu an thi. An nga retnak hmun ah oxygen aum lo, thlidai petu ding pangka (fan) thli khal a mal ruangah thawsam in an thi” a ti.

Mithi pawl cu Rakhine State, Ley Hwin Taung khuami Nyi Nyi, Kyaw Win Maung le Maung San Hla pawl an si ih April 3 le 4 ah Thailand, Pattani khua ah an vuiliam. Hnaṭuan lai ih an thih ruangah Thailand cozah in an tantami innsang hnenah sumpai pek a tum ih an innsang pawl pehtlaih dingin Migrant Workers Rights Network (MWRN) hnenah an theiher,

Be the first to comment

Leave a Reply

Your email address will not be published.


*