Thailand Ah Kawlram Mi (3) Cu Mi An That Ruangah An Kai, An Thatnak San An Rel…

Thailand, Na Mom district ramlak ah mithi ruak an hmu. Mithi ruak cu an phum mi a si, a kut le ke khal hridai in an tawnbet ih a taksa parah vuakvelhnak hliamhma aum. A bike khal tiva ah an rak hlon ih ṭuanvo neitu pawlin an lasuak.

Mithi cu kum 40 mi Maddol Binson a si ih Kawlram mi thotho a si, Thailand ram aumnak cu a rei tuk zo ih thing at ih hnaṭuan a si. Thailand palik pawlin mithi ruak an hmuh veten zingzoinak an nei cih, ramlak ih relh Kawlram mi 109 an kai ngah.

Kawlram mi pawl cu Malaysia ram feh dingih hngak an si. Thu an sut vivo hnuah Kawlram mi pathum cu tualthat thubuai an orhter, tualthatnak ih tel Kawlram mi pahnih khal kai dingin an hawl rero lai.

An kaihmi pathum pawl cu Ko Mong (kum 25), San Ae (kum 32) le Chid Koko (kum 34) pawl an si, kai dingih an hawl rero laimi pahnih cu Mian Win (kum 32) le Ao Kuwin (kum 27) an si.

An thatnak san cu hitin an rel, “Malaysia ram feh dingin May 31 ah hitawk hmun kan thleng. Malaysia ram feh dingin ramlak ihsin kan hngak. Cutawk ah Maddol hi meithal le nam kengin ara ih sumpai in dil, in hringhro.

Sumpai kan khongaw ih kan pe, cumi hnuah kan lakah um fala pakhat cu hmun dangah a hruaisuak tum ih fala in arak duh lo. Fala cu kan run ih kan sualaw ciamco hnuah kan kaibet ih a thi. Kan agent hnenah thilthleng cu kan sim thei hngal ih agent in motor thawn hmun dangah in phur, a zan ah kan va kirsal ih mithi ruak cu kan phum hnuah kan tlansal” an ti.

Be the first to comment

Leave a Reply

Your email address will not be published.


*