Thailand Ah Motor An Pah Aw, Kawlram Mi Pakhat A Thi

Thailand, Songkhla province ah bus le motor tumpi an pah aw ih Kawlram mi hnaṭuan nunau pakhat a thi. Mi 10 in hliamhma nasa zet an tuar. Bus sungah Kawlram mi nunau 11 an to ih Wat Huw Thanon phungyi tlawnginn ah a hlu pe dingih feh an si.

July 11 zanlam nazi 5:00 hrawngah an to mi bus cu U Turn ah a pial thutthi ih khatlam ihsin ra tlan motor tumpi in a pah, motor tumpi cu ke 18 nei a si ih bus cu lamzin kap ah a pet.

Hmin tarlang hrih lo Kawlram mi nunau pakhat cu a ke le kut a bul ih a lu a kuai, a hmun ah a thi cih. Nunau 10 khal lamzin parah an it, motor mawngtu khal hliamhma a tuar.

Ṭuanvo neitu in, “Hliamtuar 4 cu seherh an um zet, siizung ah an tuamhlawm rero lai. Thubuai an tuah hrih lo ih CCTV an zoh hnuah thubuai an tuahsak ding. Himi sun ah ruah nasa zetin a sur ih lamzin khal a nal tuk” a ti.

Be the first to comment

Leave a Reply

Your email address will not be published.


*