Thailand Mintami In Palik Pakhat Taza A Cuai

Thailand mintami kum 25 mi Jaibua Hidding in palik pakhat taza a cuai, a theih lo sungah a taksa arak puahcok ruangah August 3 ah taza a cuai.

August 1, 2022 zan ah rualpi pawl thawn party an nei ih zu an ri tuk, inn an va tlun hnuah an rualpi pakhat in rualpi inn pakhat ah party a tuahsal. Bangkok, Ramintra ih um rualpi inn ah party an va tuahsal, zinglam nazi 3:00 hrawng tiang an nuam aw.

Inn neitu le palik pakhat cu zu an intlang. Jaibua cu sofa parah a itthat ih zinglam nazi 9:00 ah a thangharh, a thangharh tik ahcun a kiangah palik cu arak it ve ih a taksa le a pawhte arak tham rero. Jaibua in a rualpi pawl a kaitho ih thilthleng cu a sim thei hnuah palik sakhan ah thubuai an va thehlut.

Sualtuahtu palik ih hmin cu an tarlang hrih lo. Thailand ram daan le dun ah zovek khal an silen midang parah hivek lam thilsual tuahtu cu thiamlo a co asilen kum 10 sung thawngthlak le sumpai 20,000 baht a kuan thei.

Be the first to comment

Leave a Reply

Your email address will not be published.


*