Thailand MP In, “Myanmar Raltlan Pawl Kan Humhim Ding” A Ti

Myanmar ramsung a buai pekte ah Thailand ram in raltlan pawl a cohlang lo lawk ih an ramsung ih tlanlut pawl cu an rak kirter sal.

Tuiṭum ahcun Prime Minister Prayut Chan-o-cha in, “Myanmar raltlan pawl kan humhim ding, an ṭulsammi siivai le ei le in khal kan pe ding” tin ṭuanvo neitu pawl hnenah raltlan pawl rak humhim dingin thu a pe.

Thailand ramsung ah Myanmar raltlan 90,000 lenglo an um zo ih, “Raltlan pawl cu an ram a ṭhahsal tikah an tlungsal ding” a ti. Thailand-Myanmar ramri ah ralhrang le mipi kilhimtu pawl cu nasa zetin an kapaw rero lai.

Thailand ramsung khalah bomb ava tla puak ṭheu ruangah Thailand ralkap in Myanmar ralhrang pawl cu kap ve dingin tim an tuahaw rero lai. Prime Minister Prayut Chan-o-cha in, “Ramri kiangkap ih um Thailand mipi pawl cu nan inn le lo suahsan ih nan tlan a ṭullo, Thailand ramsung ah an ra cangvai asilen warning kan pe ding” a ti.

Be the first to comment

Leave a Reply

Your email address will not be published.


*