Thailand, Myanmar Embassy Ih Hnaṭuan In CDM A Tuah

Thailand, Chiang Mai ramsung ah Embassy ih hnaṭuantu Daw Mya Theingi cu ralhrang kuthnuai ah a cangvai duh nawn lo ih May 3, 2022 ah CDM a tuah thu a Facebook cahmai ah a tarlang.

NLD cozah laiah Thailand ramsung ah zung hnaṭuantu dingih an thlahmi a si. Daw Mya Theingi in, “3/5/2022 ihsin diklo zet ih Myanmar ramsung thuneihnak latu ralhrang kuthnuai ah hna ka ṭuan nawn lo. Ralhrang pawl aiawh ih ramdang palai ka ṭuan duh nawn lo.

Myanmar rampi zalennak ngah dingih sual rerotu mipi lamah ka um, ralhrang pawlin sualnak nei lo khuasung mipi pawl an kai, an that hi ka cohlang lo ruangah Civil Disobedient Movement (CDM) ka tuah” tin a tarlang.

Be the first to comment

Leave a Reply

Your email address will not be published.


*