Thailand Nauhak Kum 12 Mi Cu A Paei In A Sualpi Ṭheu, Hringtu A Nu Hi A Rapthlak

Thailand nunau nauhak kum 12 mi cu a paei kum 59 mi in a pawngsual ṭheu. Hringtu a nu in a thei nan midang hnenah relsuak lo dingin a kham. A nu in an innsung thilthleng hi a thei thluh nan a fanu hnenah “Midang hnenah relsuak hlah. Na paei hi ralkap a si ih sumpai tampi a nei, kan damsung in kilkhawi dingin a tiamkam aw zo” a ti.

April 27 sun ah veihnih a sualpi ih March thla khalah a sualpi, a paei in a sualpi laiah an kiangah a nu cu aum ve nan zianghman thei lo bang in a itthat bum. A fanu in bawmnak a dil nan daiten um dingin a sim thei. Nauhak te in a tuar thei nawn lo ruangah an tlawng sayama hnenah a thilton cu a sim thei, cakuat in a pe.

A cangan dan: ‘Ka paei in in sualpi ṭheu, hringtu ka nu in a thei thluh nan in bawm lo. Sumpai ruangah daiten um dingin in fial, ka nu in ‘na paei in kei in duhdawt lo, nangmah sawn si a lo duhdawt. Na damsung a lo kilkhawi ding’ in ti. In sualpi sal ding ka phang ruangah ka ṭih tuk, ka tuar naa tuk. Zohman in in bawm lo” a ti.

An tlawng sayama in hringtu a pa hnenah a sim thei ih a fanu ih cangan mi khal a hmuh. Nauhak sualpi tu Wuttichai cu khua dangah arak tlanhlo, nauhak te ih pa hnenah sumpai 100,000 baht in remawknak tuah a tum nan arak cohlang lo.

Palik sakhan ah thubuai an thehlut ih Wuttichai khal palik kutsung ah a hlan aw, hringtu a nu cu thu an sutnak ah ziang ṭong ding khal a thei lo ih umngaihnak a thei lo. Wuttichai cu kumkim lo nauhak pawngsual thubuai an orhter ih an kai, hringhtu a nu khal thubuai tuahsak a si.

Be the first to comment

Leave a Reply

Your email address will not be published.


*