Thailand Nu Ih Suiṭhi An Ruksak

Thailand nu kum 24 mi Nantapak cu a innsang pawl thawn Pattaya, Koh Larn Island tikulh ah an va tlawng. June 10 ah innsang holiday hmang dingin an va feh, a bags sungah sumpai 65,000 baht le suiṭhi tum zet pahnih aum.

An room hmaiah a bags cu a tang lawk ih zan nazi 10:00 hrawngah bags cu ava la tum ih arak um nawn lo. Nantapak in, “Bags sungah suiṭhi pahnih aum, a man thuhla cu a poi lo. Asinan, himi suiṭhi pahnih cu ka fale hrangah ka roh tum mi a si” a tiih rukru hnenah suiṭhi hi in pe kirsal hram uh’ a ti.

Tualsung ṭuanvo neitu pawlin CCTV fehtlang in an zoh ih hnipuan hruh lo mipa pakhat in bags a lak lai cu an hmu, bags latu cu tualsung tlangval kum 26 mi Toey ti an thei. Ṭuanvo neitu in, “Rukru cu an thlennak inn neitu ih sungkhat a si. Koh Larn Island tikulh a suahsan zo” a ti.

Palik pawlin rukru cu kai dingin an hawl rero lai. Tulai hi Thailand ramsung ah rukru le suamhmang an tam zet. Ramlak ah mithi ruak khal an sar ṭheu.

Be the first to comment

Leave a Reply

Your email address will not be published.


*