Thailand Pacang In Nupi 2 Anei Ih Buainak An Nei Dah Lo

Thailand pacang kum 42 mi Manop Nuttayothin in nupi hmelṭha zet pahnih anei ih fate 9 anei zo. A nupi kum 32 mi Warissara Poksrichan in an zuk cu Valentine’s Day ah a tarlang ih online sungah an lar phah zet.

Warissara Poksrichan in “Ka pasal ih thuhla cu mipi in an rel duh thei zet. Ka pasal in nupi 2 anei ih buainak kan nei dah lo, tutiang ka duhnak cu a danglam hrih lo. A danglammi cu ka pawhte hi a si, 600cc le 450cc in a danglam” tin a tarlang.

Cutin, online sungah an lar zet ih an ramsung Television in hmaiton thusutnak an nei ih ziangtinso nupi 2 rori hlim zetin na kilkhawi thei ringring tin an sut.

Manop Nuttayothin in “Nupi 3 ka nei nan pakhat cu fate 3 kan neih hnuah in thihsan. Poksrichan thawn kan neihawk hnuah fala kum 26 mi Nattaya Tongpan thawn kan neiaw sal.

Fate 3 veve an nei zo, an pahnih in bangranten ka zoh ringring ih ziangkim kan tuah tlang. Innsang hlimnak ih a thupi bik cu buainak aum veten cinfel hngal hi a si, buainak kan neih veten a sun ah ka relpi hngal ṭheu. Kan thinlung ih um mi zaten kan relsuak thluh ih remnak kan tuah lohli” a ti.

Manop Nuttayothin cu pacang fel zet a si ih motor tuahnak dawr anei, a motor tuahnak dawr / thilri zuarnak ah a nupi 2 khal hna an ṭuan ve.

Be the first to comment

Leave a Reply

Your email address will not be published.


*